ពិតជាខ្លាំងបោះគេមែនបុកគេហើយបង្កហិង្សាទៀត!នារីជនជាតិចិនម្នាក់ស្ថានភាពស្រវឹងបើករថយន្តស៊េរីទំនើបមកបុកប៉ះម៉ូតូកង់បីពីក្រោយបណ្ដាលឱ្យធ្លាក់មនុស្សពីលើម៉ូតូកង់បីដួលបោកក្បាលរងរបួសធ្ងន់..
ខេត្តព្រះសីហនុ ៖ ករណីគ្រោះថ្នាក់ចរាចរណ៍បង្កឡើងដោយនារីជនជាតិចិនបើករថយន្តស៊េរីទំនើបមកបុកប៉ះជាមួយនឹងម៉ូតូកង់បីពីក្រោយបណ្ដាលឲ្យមានមនុស្សធ្លាក់ពីលើម៉ូតូកង់បីជួលបោកក្បាលរងរបួសធ្ងន់ភ្លាមៗនោះជនរងគ្រោះត្រូវបានបញ្ជូនទៅមន្ទីរពេទ្យ ចំណែកអ្នកនារីជនជាតិចិនអ្នកបើកបររថយន្តធ្វើកាយវិការច្រងេងច្រងាងហើយថែមទាំងស្រែកឡូឡាផ្អើលគេផ្អើលឯងរកចាប់យកទូរស័ព្ទរបស់(អ្នកសារព័ត៌មាន)ថែមទៀត។ហេតុការណ៍ភ្ញាក់ផ្អើលមួយនេះបានកើតឡើងនៅវេលាម៉ោង ១០:៣០នាទីយប់ថ្ងៃទី ១៦ ខែ កុម្ភៈ ឆ្នាំ២០២២ តាមបណ្តោយវិថីឯករាជ្យផ្លូវលេខ ១០០ ទាល់មុខនិង សាលាបឋមសិក្សានិងអនុវិទ្យាល័យ តេជោហ៊ុនសែនកម្មករ ស្ថិតនៅក្នុងភូមិ០៤ សង្កាត់០៤ ក្រុងព្រះសីហនុ/ខេត្តព្រះសីហនុ។
យោងតាមប្រភពព័ត៌មានអ្នកបានឃើញហេតុការណ៍ផ្ទាល់នឹងអ្នកបើកម៉ូតូកង់បីបានប្រាប់ដូចដូចគ្នាឲ្យបណ្ដាញសារព័ត៌មានដឹងថា មុនពេលកើតហេតុពួកគាត់បានឃើញ ម៉ូតូកង់បី ពាក់ស្លាកលេខ ព្រះសីហនុ 1H-1614 បើកបរដោយបុរសម្នាក់ក្នុងទិសដៅពីពីត្បូងទៅជើងលុះមកដល់ចំណុចកើតខេត្តខាងលើម៉ូតូកង់បីបានអែបឋានផ្លូវដើម្បីថតដាក់ភ្ញៀវពេលនោះភ្ញៀវកំពុងតែរៀបចំចុះពីលើម៉ូតូកង់បីក៏ស្រាប់តែមានរយន្តមួយគ្រឿងទៀត ម៉ាក Mercedes ពាក់ស្លាកលេខ ភ្នំពេញ 2AQ-1919 បើកបរដោយនារីជនជាតិចិនម្នាក់មានទិសដៅពីត្បូងទៅជើងទិសដៅស្របទិសគ្នាក្នុងល្បឿនលឿនក៏បានមកបុកម៉ូតូកង់ បី ពីក្រោយបណ្ដាលឱ្យមានមនុស្សធ្លាក់ពីលើកង់បីដួលបោកក្បាលរងរបួសធ្ងន់តែម្តង។
ជុំវិញករណីគ្រោះថ្នាក់ចរាចរណ៍នេះនារីដែលបានបើកបរខាងលើនៅមិនទាន់ស្គាល់អត្តសញ្ញាណនៅឡើយមិនដឹងថាមានច្បាប់និងប័ណ្ណបើកបដែរឬអត់ទេ?មហាជនកំពុងតែមានការចាប់អារម្មណ៍និងរង់ចាំមើលសមត្ថកិច្ចនគរបាលចរាចរណ៍ផ្លូវគោកខេត្តព្រះសីហនុគួរមានចំណិតការយ៉ាងណាទៅលើនារីជនជាតិចិនបើកបររថយន្តតាមដងផ្លូវហើយក្នុងស្ថានភាពស្រវឹងជោគជាំបែបនេះ?សូមបញ្ជាក់ថាក្រោយពេលកើតហេតុកម្លាំងសមត្ថកិច្ចនគរបាលចរាចរណ៍ផ្លូវគោកលោកបាននាំខ្លួននារីបើកបររថយន្តខាងលើទៅសាកសួរនៅការិយាល័យនគរបាលចរាចរណ៍ចំណែករថយន្តនិងម៉ូតូកង់បីសមត្ថកិច្ចជំនាញកំពុងធ្វើការវាស់វែងនឹងលើកយកវត្ថុតាងទាំងសងខាងទៅរក្សាទុកនៅការិយាល័យចរាចរណ៍ដើម្បីរងចាំធ្វើការដោះស្រាយទៅតាមនីតិវិធីផ្លូវច្បាប់។
![](https://scontent.fpnh1-1.fna.fbcdn.net/v/t39.30808-6/275921926_158849193176634_5777705634806544221_n.jpg?stp=dst-jpg_s600x600&_nc_cat=102&ccb=1-5&_nc_sid=8bfeb9&_nc_eui2=AeFJNpPprbKBXgTDD_AHMq_eQtWOpEqlkzNC1Y6kSqWTM0QdHQtl1Mkjatcbie5XFXwgudk8zgxRYGjESIM8DWAl&_nc_ohc=BYRQnDyiyH4AX80wX4m&_nc_ht=scontent.fpnh1-1.fna&oh=00_AT9U5gLI5HlsgmrlWoSqTp-zj--pQ9E0cl7DpmHnvRdjGQ&oe=62398F30)
![](https://scontent.fpnh1-1.fna.fbcdn.net/v/t39.30808-6/275893030_158849116509975_6845548332884531357_n.jpg?stp=dst-jpg_s600x600&_nc_cat=104&ccb=1-5&_nc_sid=8bfeb9&_nc_eui2=AeHneuqEZeU7RAoYkyW2VsWd6GZ29Dq3P1DoZnb0Orc_UGoo_shJogZXOZharb6epIvLJBRz_yZCmVaAMjmcJZVo&_nc_ohc=AzgIXL-jpQcAX-a_i7I&_nc_ht=scontent.fpnh1-1.fna&oh=00_AT-oUqCd7eRRbve370cgPqMPzWoOxtApSrutb3ebhiFoCw&oe=623928E8)
![](https://scontent.fpnh1-1.fna.fbcdn.net/v/t39.30808-6/275874347_158849159843304_2153980692590149063_n.jpg?stp=dst-jpg_s600x600&_nc_cat=107&ccb=1-5&_nc_sid=8bfeb9&_nc_eui2=AeGyrHxWolw41jIjBidm_udbpQW_tZQafFelBb-1lBp8V5xnoGmOrkePMJqDCSFcdEKfJ-l-1A5x3HQsfSVAWPrs&_nc_ohc=SaWPTdYRQlwAX8vdbw8&_nc_ht=scontent.fpnh1-1.fna&oh=00_AT9zMYW2bOo5H05XKYRFVBwWkZz1mVJTdqTe1JR1zOYAzw&oe=62384B2B)
![](https://scontent.fpnh1-2.fna.fbcdn.net/v/t39.30808-6/275877326_158849173176636_5563384510058938075_n.jpg?stp=dst-jpg_s600x600&_nc_cat=108&ccb=1-5&_nc_sid=8bfeb9&_nc_eui2=AeGv0z0iLakw9UV6ondOeGwuecxRVw0trqt5zFFXDS2uq1UuAupTE3ULGYex6ida-qmP_7t91BGLT8AeuC8VPuDm&_nc_ohc=_jXcTxzFgTQAX-BFpI2&_nc_ht=scontent.fpnh1-2.fna&oh=00_AT_yGxK7HsuJi9mTmbcGSrwMcwq6hFTIam0wujceNega2A&oe=6239611F)
![](https://pichnews.com/wp-content/uploads/2022/03/44-3-1.jpg)
![](https://pichnews.com/wp-content/uploads/2022/03/44-4.jpg)
![](https://pichnews.com/wp-content/uploads/2022/03/photo_2022-03-18_10-05-34.jpg)