ឃាតកម្ម! ខឹងសុំស្រឡាញ់កូនមេជាងម៉ូតូមិនបាន យកកាំភ្លើងកែច្នៃបាញ់សម្លាប់នារីរងគ្រោះ និងបាញ់សម្លាប់ខ្លួនឯង ស្រុកកំពង់ស្វាយ នៅកំពង់ធំ
កំពង់ធំ៖ ករណីឃាតកម្មមួយដ៏សាហាវបានកើតឡើងដោយសារតែបុរសកូនជាងម៉ូតូម្នាក់ បានយកកាំភ្លើងកែច្នៃសម្លាប់នារីម្នាក់ ដែលជាកូនមេជាងរបស់ខ្លួន និងបាញ់សម្លាប់ខ្លួនឯង ព្រោះតែសុំស្រឡាញ់តែនាងបានបដិសេធ។ហេតុការណ៍ដ៏តក់ស្លុកនេះបានកើតឡើងនៅម៉ោង១២៖៣០នាទី ថ្ងៃទី០៧ ខែមីនា ឆ្នាំ២០២២ ស្ថិតនៅភូមិត្រពាំងចំបក់ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។ករណីឃាតកម្មនេះបានបណ្តាលឱ្យមនុស្សស្លាប់ចំនួន២នាក់ រួមមាន៖*ទី១៖ នារីជាជនរងគ្រោះមានឈ្មោះ គង់ គឹមហ័ន អាយុ៣១ឆ្នាំ រស់នៅភូមិកើតហេតុ ត្រូវបានឃាតកបាញ់ត្រូវគល់កខាងឆ្វេង១គ្រាប់ បណ្តាលឱ្យស្លាប់ភ្លាមៗនៅកន្លែងកើតហេតុ។*ទី២៖ ជាជនបង្កឈ្មោះ សុខ សូយ៉ន ហៅឌី រស់នៅភូមិតស៊ូ ឃុំតស៊ូ ស្រុកជ័យសែន ខេត្តព្រះវិហារ បន្ទាប់ពីធ្វើសកម្មភាពបាញ់ស្លាប់នារីរងគ្រោះរួចជនដៃដល់ បានបាញ់សម្លាប់ខ្លួនឯងបណ្តាលឱ្យបែកលលាដ៏ក្បាល។
លោកអធិការស្រុក បានបញ្ជាក់ទៀតថា មុនកើតហេតុជនបង្កបានមកសុំរៀនធ្វើជាងជួសជុលធ្វើម៉ូតូរយៈពេល១ឆ្នាំ ហើយចុងក្រោយប្រហែលបីខែនេះជនបង្កបានស្រឡាញ់ជនរងគ្រោះតែជនរងគ្រោះ (កូនមេជាង) តែនាងមិនព្រមស្រឡាញ់ ទើបបណ្តាលឱ្យមានករណីឃាតកម្មនេះកើតឡើង។បើតាមលោក កែ កញ្ចនា បានបញ្ជាក់ថា លុះថ្ងៃទី០២ ខែមីនា ឆ្នាំ២០២២ ជនបង្កបានទៅលេងផ្ទះខ្លួនដេក១យប់រួចត្រឡប់មកវិញ រហូតដល់ថ្ងៃកើតហេតុទើបជនបង្កបានយកកាំភ្លើងកែច្នៃបាញ់សម្លាប់ជនរងគ្រោះ រួចបាញ់សម្លាប់ខ្លួនឯងតែម្តងសមត្ថកិច្ចបានពិនិត្យកន្លែងកើតហេតុកម្មមានអាវុធខ្លីកែច្នៃចំនួន០២ដើមរីឯសពទាំងពីរ ត្រូវបានប្រគល់ជូនសាច់ញ្ញាតិធ្វើបុណ្យតាមប្រពៃណី នៅឯគេហដ្ឋានរៀងៗខ្លួន៕
![](https://scontent.fpnh1-1.fna.fbcdn.net/v/t39.30808-6/275054571_1178768872661206_2850934441617774050_n.jpg?stp=dst-jpg_s600x600&_nc_cat=105&ccb=1-5&_nc_sid=730e14&_nc_eui2=AeFwLg--s5MmEwBezOIIBL_sgZXvm09QNqWBle-bT1A2pXRxpCfUiixLjTeMsIFCoJdFkLldbtpy8q-QiK8wsGgw&_nc_ohc=mzzzXCjQGQYAX97lQqT&_nc_ht=scontent.fpnh1-1.fna&oh=00_AT8NvRamjMaD4Ye6_M7R_lJdDJwfJLecxPa61U1BI2QNrw&oe=622C020C)
![](https://scontent.fpnh1-1.fna.fbcdn.net/v/t39.30808-6/275270234_1178768895994537_329564539117497760_n.jpg?stp=dst-jpg_p480x480&_nc_cat=102&ccb=1-5&_nc_sid=730e14&_nc_eui2=AeFMyS_A966ctkv7VZk_FwUg_et7TVvSrU7963tNW9KtThcDL5Dju-YL8ckUstd_835zJ5VRYHLX_EDg3givRZtn&_nc_ohc=CPX_eCmSYfgAX8Yrp57&_nc_ht=scontent.fpnh1-1.fna&oh=00_AT9OioDHNOq25yLccp-leFGqIwnKbbC47-MipOspivD-tw&oe=622CA480)
![](https://scontent.fpnh1-1.fna.fbcdn.net/v/t39.30808-6/275046367_1178768922661201_3471436662853311613_n.jpg?stp=dst-jpg_s600x600&_nc_cat=105&ccb=1-5&_nc_sid=730e14&_nc_eui2=AeEZNuVkUaiLRk4yApC4uRbJLTM4N-Igit8tMzg34iCK36TLxFDJjyn3EdN4XTsFnnUbsnm5SkB6EhphT5w-kkzy&_nc_ohc=i0dj7wm1uLYAX-ulGh3&_nc_ht=scontent.fpnh1-1.fna&oh=00_AT9zmQuPG6sU8deCiiRPmLvZAyQJZ6Lg6yQJc6H9MbWS0w&oe=622BA16A)
![](https://scontent.fpnh1-2.fna.fbcdn.net/v/t39.30808-6/275490353_1178768962661197_5319492311673356439_n.jpg?stp=dst-jpg_s600x600&_nc_cat=103&ccb=1-5&_nc_sid=730e14&_nc_eui2=AeE-kpDFrO5X-Cc_xfxJReu3jwmjbzNvuwyPCaNvM2-7DPUMGnpqG1-F7Mko7rL4Em7DSeiZQymDqMTWs643VMwB&_nc_ohc=yMIccI1jV64AX8O16dJ&tn=t8fMewQzRRCA939A&_nc_ht=scontent.fpnh1-2.fna&oh=00_AT8Y0fkEa0b78k09Dn4xMiyug0sBUk5t0IrjxVGEcxkDdw&oe=622CB1D1)