ឃាត់ខ្លួនជនសង្ស័យ ០២នាក់ ករណីលួចកាត់ខ្សែភ្លើង នៅកណ្តាល
ខេត្តកណ្តាល៖ ជនសង្ស័យ ០២នាក់ត្រូវបានសមត្ថកិច្ចប៉ុស្តិ៍នគរបាលរដ្ឋបាលត្បែងឃាត់ខ្លួនពាក់ព័ន្ធករណីលួចកាត់ខ្សែភ្លើង ហេតុការណ៍នេះបានកើតឡើងនៅថ្ងៃទី ០៦ ខែ មីនា ឆ្នាំ២០២២ នៅភូមិ ជ្រលង ឃុំត្បែង ស្រុកកណ្ដាលស្ទឹង ខេត្តកណ្ដាល។ជនរងគ្រោះឈ្មោះ ឡោ ភក្តី ភេទ ប្រុស អាយុ ៣២ឆ្នាំ មានទីលំនៅភូមិ ជ្រលង ឃុំត្បែង ស្រុកកណ្តាលស្ទឹង ខេត្ត កណ្តាល មុខរបរកម្មករសំណង។ដោយឡែកជនសង្ស័យ ០២ នាក់៖១.ឈ្មោះ ស វិចិត្រ ភេទ ប្រុស អាយុ ២៨ឆ្នាំមានទីលំនៅភូមិ ព្រែកស្លែង ឃុំ ព្រែកស្លែង ស្រុក កណ្ដាលស្ទឹង ខេត្ត កណ្ដាល។មុខរបរ មិនពិតប្រាកដ (ឃាត់ខ្លួន)២ ឈ្មោះ សាំង សីហា ភេទ ប្រុស អាយុ ៣៦ ឆ្នាំ នៅភូមិព្រែកស្លែង ឃុំ ព្រែកស្លែងស្រុកកណ្ដាលស្ទឹង ខេត្ត កណ្ដាល។ មុខរបរមិនពិតប្រាកដ(ឃាត់ខ្លួន)។
វត្ថុតាងចាប់យករួមមាន៖-ម៉ូតូ១គ្រឿងម៉ាកហុងដា គុបជ្រុង ពណ៌ខៀវ គ្មានផ្លាកលេខ-កូនកន្រ្តៃចំនួន ១-ខ្សែភ្លើង ២ ខ្សែប្រវែង ២៥ សង់ទីម៉ែត្រ-កន្រ្តៃកាត់ខ្សែភ្លើងចំនួន ១។ជនសង្ស័យឈ្មោះ ស វិចិត្រ បានជិះម៉ូតូមួយគ្រឿងនេះ ឌុបជនសង្ស័យម្នាក់ទៀតឈ្មោះ សាំង សីហា ចេញពីផ្ទះរបស់ខ្លួនស្ថិតនៅភូមិ ព្រែកស្លែង ឃុំ ព្រែកស្លែង ស្រុកកណ្ដាលស្ទឹង ទៅតាមភូមិ ដើម្បីលួចកាត់ខ្សែភ្លើងរបស់គេតាមភូមិ ពេលជិះទៅដល់កន្លែងកើតហេតុជនសង្ស័យឈ្មោះ ស វិចិត្រ បានចុះពីលើម៉ូតូ ដើម្បីធ្វើសកម្មភាពលួចកាត់ខ្សែភ្លើងរបស់ជនរងគ្រោះ។ ដោយជនសង្ស័យឈ្មោះ សាំង សីហា នៅអង្គុយចាំលើម៉ូតូ ដើម្បីមើលផ្លូវ ពេលកាត់ខ្សែភ្លើងដាច់ភ្លាមជនសង្ស័យឈ្មោះ ស វិចិត្របានប្រមូលខ្សែភ្លើង ស្រាប់តែជនរងគ្រោះ និងប្រជាពលរដ្ឋពីរនាក់បានដើរចេញមកឃើញជនសង្ស័យឈ្មោះ សាំង សីហា កំពុងអង្គុយក្បែរម៉ូតូ ចំនែកជនសង្ស័យ ស វិចិត្រ បានបោះខ្សែភ្លើងនិងកន្រ្តៃចោលរួចរត់មួុយសន្ទុះក្រោយមកទើបដើរមកកន្លែងម៉ូតូ ពេលនោះជនរងគ្រោះបានរាយការណ៍ជូនកម្លាំងប៉ុស្តិ៍នគរបាលរដ្ឋបាលឃុំត្បែង។ពេលទទួលបានព័ត៌មានភ្លាមកម្លាំងប៉ុស្តិ៍នគរបាលរដ្ឋបាលឃុំត្បែង បានចុះមកដល់កន្លែងកើតហេតុឃាត់ខ្លួនជនសង្ស័យនិងវត្ថុតាងបញ្ជូនមកកាន់អធិការដ្ឋាននគរបាលស្រុកកណ្តាលស្ទឹងដើម្បីកសាងសំណុំរឿងតាមនិតិវិធីច្បាប់៕
![](https://scontent.fpnh1-2.fna.fbcdn.net/v/t39.30808-6/275541763_1179101889294571_4536140458665954153_n.jpg?stp=dst-jpg_s600x600&_nc_cat=111&ccb=1-5&_nc_sid=730e14&_nc_eui2=AeFYjqrDFcK8Jut8z4P2CBTs9nGEF9z5GZP2cYQX3PkZk6Lfp7OQ-gIOnlD4jMfpiOvm_f1uC-tBQUh3j3msNRcs&_nc_ohc=kRVNsXGjP3IAX_HNB1x&tn=t8fMewQzRRCA939A&_nc_ht=scontent.fpnh1-2.fna&oh=00_AT_3KUSpy9z_EydEuqAsh5PkG5nuceWZ43wIXYpUCtDcIg&oe=622C77AA)
![](https://scontent.fpnh1-2.fna.fbcdn.net/v/t39.30808-6/275543324_1179101892627904_7335375525222252300_n.jpg?stp=dst-jpg_s600x600&_nc_cat=101&ccb=1-5&_nc_sid=730e14&_nc_eui2=AeHy_BaN8eqzxnlHpxjf_jEoJX-dgDX6xmslf52ANfrGa3C79R-eSzFBBwVYyyeaWpYK0iX2Ew0Ml0jMbxqhIJiK&_nc_ohc=G1iqGePsACMAX935fHI&tn=t8fMewQzRRCA939A&_nc_ht=scontent.fpnh1-2.fna&oh=00_AT8KUVd3R1v3IS4TQRfaLW474ofgsUzUJ63zJU1YSa51oQ&oe=622CE250)
![](https://scontent.fpnh1-1.fna.fbcdn.net/v/t39.30808-6/275479119_1179101902627903_4303012619977383140_n.jpg?stp=dst-jpg_s600x600&_nc_cat=104&ccb=1-5&_nc_sid=730e14&_nc_eui2=AeFGkSQ2fd24CFPyuXrz7Yy7JlIIUg6Xj98mUghSDpeP3_lGrho0bhDmX4gtJDWSj93rN7vXaNjMcUVL9b1nbkcd&_nc_ohc=hyZdsMRz__EAX9sUOMl&_nc_ht=scontent.fpnh1-1.fna&oh=00_AT_NiGmlqP1p5bvpcafvmBwzFZelAvRaVJwGM_s-6k7g7g&oe=622C364F)
![](https://scontent.fpnh1-2.fna.fbcdn.net/v/t39.30808-6/275494049_1179102012627892_4045902011968087469_n.jpg?stp=dst-jpg_s600x600&_nc_cat=108&ccb=1-5&_nc_sid=730e14&_nc_eui2=AeH3DKLIvMqduuVy-Fjj9eWX1HWPDgoY5rXUdY8OChjmtfCIaHxpoTlZMKoTo3dalNqnBnDnYirX4f1oTWtwDLAw&_nc_ohc=laZj18VuylQAX8juF4S&tn=t8fMewQzRRCA939A&_nc_ht=scontent.fpnh1-2.fna&oh=00_AT_GeFZZql40Bm7HGxcaIDbRK4fvc1aTysYEkrJgM-oVbg&oe=622C3834)
![](https://pichnews.com/wp-content/uploads/2022/03/275494049_1179102012627892_4045902011968087469_n.jpg)
![](https://pichnews.com/wp-content/uploads/2022/03/275498741_1179102115961215_3340810864043580813_n.jpg)
![](https://pichnews.com/wp-content/uploads/2022/03/275501435_1179102055961221_4446709630598841739_n.jpg)
![](https://pichnews.com/wp-content/uploads/2022/03/275555329_1179102029294557_3032398687624990573_n.jpg)