ក្មេងប្រុសម្នាក់ បានជាន់មីនតោនផ្ទុះស្លាប់ ពេលកំពុងដើរឃ្វាលគោ
ខេត្តបាត់ដំបង៖ តាមរបាយការណ៍របស់មន្ត្រីនគរបាលជំនាញនៃអធិការដ្ឋានស្រុកគាស់ក្រឡបានឱ្យដឹងថា កាលពីរសៀលថ្ងៃអង្គារ ៦កើត ខែផល្គុន ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០៨ ខែមីនា ឆ្នាំ២០២២ វេលាម៉ោង ១៦និង៤០នាទី់ មានករណីយុវវ័យម្នាក់ដើរដេញគោឱ្យវិលត្រឡប់មកផ្ទះវិញ ស្រាប់តែចៃដន្យមានគោមួយក្បាលបានដើរជាន់គ្រាប់មីនតោនបណ្ដាលឱ្យផ្ទុះងាប់គោ១ក្បាល និងម្ចាស់គោក៏ស្លាប់នៅនឹងកន្លែងកើតហេតុនោះដែរ។ ហេតុការណ៍នេះបានកើតឡើងនៅចំណុចឆ្លាក ក្នុងភូមិព្រៃទទឹង ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង។
សមត្តកិច្ចបានបន្តឱ្យដឹងទៀតថា យុវវ័យដែលរងគ្រោះដោយសារមីនតោនផ្ទុះស្លាប់នោះមានឈ្មោះ សឿន វ៉ាន់ស៊ីង ភេទប្រុស អាយុ១៣ឆ្នាំ រស់នៅក្នុងភូមិឃុំកើតហេតុខាងលើ។ក្រោយពីកើតហេតុសមត្តកិច្ចនគរបាលជំនាញនៃអធិការដ្ឋានស្រុកគាស់ក្រឡសហការជាមួយនគរបាលប៉ុស្តិ៍រដ្ឋបាលឃុំឆ្នាល់មាន់បានចុះពិនិត្យ រួចក៏បានប្រគល់សពយុវវ័យរូបនេះឱ្យទៅក្រុមគ្រួសារយកទៅធ្វើបុណ្យតាមប្រពៃណី៕
![](https://scontent.fpnh1-1.fna.fbcdn.net/v/t39.30808-6/275297916_1179674009237359_5933288417366252174_n.jpg?stp=dst-jpg_s600x600&_nc_cat=104&ccb=1-5&_nc_sid=730e14&_nc_eui2=AeHhWcxy-HxAsciRmSW5rOWrqbkjt19cTYGpuSO3X1xNgYFiU40EDgcccpa2fglPqmbAgTMjn9M9UKSDvBQrCdgy&_nc_ohc=UYPvl__CI4EAX9earLl&_nc_ht=scontent.fpnh1-1.fna&oh=00_AT8oQ4zyK_oTwzAexSOxULv3CCGpuzrLzo87EWAkgjgetA&oe=622DD24C)
![](https://scontent.fpnh1-1.fna.fbcdn.net/v/t39.30808-6/275560476_1179674065904020_1752632175045662001_n.jpg?stp=dst-jpg_s600x600&_nc_cat=100&ccb=1-5&_nc_sid=730e14&_nc_eui2=AeFjuoNKPrgzdzDyBFj4VM-u7XX3jGVAipftdfeMZUCKlx5c8wKX1aHj1p8WFhoqAVSALxPnyYtMP1wubyC9532Y&_nc_ohc=jlIpvkr24B4AX9LbvhM&_nc_ht=scontent.fpnh1-1.fna&oh=00_AT87Odoaf6tbozc9HIODqYiX32ZExzJJnsNsi-mribqUoA&oe=622C90CA)
![](https://scontent.fpnh1-1.fna.fbcdn.net/v/t39.30808-6/275117685_1179674035904023_882716055957906285_n.jpg?stp=dst-jpg_s851x315&_nc_cat=107&ccb=1-5&_nc_sid=730e14&_nc_eui2=AeHnzoE9ZhC_HNyXgiqKlCv57OcAeGl1tl_s5wB4aXW2XzgEeJqrNUkPqRJcowkhg8T2SEQ5j41n4INEd7lkGqv2&_nc_ohc=wVqT6BN3ouAAX_mekKy&tn=yYfLtobOKmZUdvDu&_nc_ht=scontent.fpnh1-1.fna&oh=00_AT9Nh5Ztywb1nRRzDzi-Vjn9B-r1lGPCTvYhWu4gnKrvhg&oe=622CA110)
![](https://pichnews.com/wp-content/uploads/2022/03/A06FE1FE-4791-4D2C-9E6B-0F8DAC787179.jpeg)
![](https://pichnews.com/wp-content/uploads/2022/03/1F5F06EC-1B38-45BE-B282-B204777FAAFD.jpeg)