បទល្មើសឆក់ និងបទល្មើសផ្សេងៗទៀត ក្នុងមូលដ្ឋានខណ្ឌមានជ័យ ហាក់មានការហក់ឡើងជាបន្តបន្ទាប់ មិនថានៅពេលយប់ ឬពេលថ្ងៃ
ភ្នំពេញ ៖ នៅ ថ្ងៃទី១០ ខែមីនា ឆ្នាំ២០២២ យុវតីម្នាក់ត្រូវបានជនសង្ស័យម្នាក់ធ្វើសកម្មភាពដើរមកឆក់ទូរស័ព្ទមួយគ្រឿង ម៉ាក IPhone 7Plus បានសម្រេចទាំងកណ្ដាលថ្ងៃ ហើយជនសង្ស័យរត់គេចខ្លួនបាត់ស្ថិតនៅចំណុចក្រោមស្ពានអាកាសស្ទឹងមានជ័យ ក្នុងភូមិមច្ឆា សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។ យុវតីរងគ្រោះ មិនត្រូវបានស្គាល់អត្តសញ្ញាណ គ្រាន់តែដឹងថា មានវ័យប្រមាណជិត២០ឆ្នាំ ។
យុវតីរងគ្រោះបានអោយដឹងថា នៅមុនកើតហេតុនាងបានជិះម៉ូតូមួយគ្រឿង ទើបត្រឡប់មកពីទិញសម្ភារ:ចេញពីផ្សារដើមគ ក្នុងគោលដៅត្រឡប់ទៅផ្ទះវិញ ។ លុះដល់ចំណុចក្រោមស្ពានអាកាសស្ទឹងមានជ័យនាងក៏បានឈប់ម៉ូតូនៅចំណុចកើតហេតុ ដើម្បីនិយាយទូរស័ព្ទជាមួយនិងម្តាយ ។ ស្របពេលជាមួយគ្នានោះ ក៏លេចមុខជនសង្ស័យម្នាក់ដើរចេញមកពីម្តុំខាងក្រោយវត្តស្ទឹងមានជ័យ ប្លុកតំបន់មិនរៀបរយ បានដើរទៅក្បែរយុវតីរងគ្រោះ ហើយបានធ្វើសកម្មភាពឆក់យកទូរស័ព្ទពីដៃយុវតីរងគ្រោះ រួចរត់គេចខ្លួនចូលសំបុករបស់ខ្លួនដោយសុវត្ថិភាព ។
យុវតីរងគ្រោះនេះ បានព្យាយាមរត់ដេញតាមជនសង្ស័យដែរ ប៉ុន្តែរត់ដេញមិនទាន់ឡើយម្យ៉ាងនាងខ្លាចបាត់ម៉ូតូផង ក៏ត្រឡប់ទៅរកម៉ូតូវិញ ហើយក៏បានឡើងជិះម៉ូតូទៅប្តឹងសមត្ថកិច្ចចរាចរណ៍ ដែលនៅប្រចាំការនៅក្រោមស្ពានអាកាសស្ទឹងមានជ័យ ដើម្បីសុំកិច្ចអន្តរាគមន៍ទាំងស្ថានភាពភ័យខ្លាច និងកំពុងយំផង ។
បន្ទាប់ពីបង្កអោយមានការភ្ញាក់ផ្អើលរួចមក សមត្ថកិច្ចនគរបាលប៉ុស្តិ៍ស្ទឹងមានជ័យទី១ បានចុះអន្តរាគមន៍ និងណែនាំអោយយុវតីរងគ្រោះ រួមទាំងសាច់ញាតិ អោយទៅដាក់ពាក្យបណ្តឹងនៅប៉ុស្តិ៍នគរបាល ប៉ុន្តែភាគីរងគ្រោះសម្រេចមិនប្តឹងផ្ដល់ហើយក៏នាំគ្នាជិះម៉ូតូត្រឡប់ទៅផ្ទះតែម្តង ៕
![](https://scontent.fpnh1-1.fna.fbcdn.net/v/t39.30808-6/275582044_1180927895778637_2997771780816643761_n.jpg?stp=dst-jpg_s600x600&_nc_cat=105&ccb=1-5&_nc_sid=730e14&_nc_eui2=AeF5rG5D0dkHOnB3NZNufZrxa7RRPPmg9hFrtFE8-aD2EZPqli44QNGW-_YaJ81RKWPyUrYQmeiOWoyuukdLqBLT&_nc_ohc=TBJDsvCJOQ4AX9l1TUy&_nc_ht=scontent.fpnh1-1.fna&oh=00_AT-3HoEkipj4isQrpFvIaTXTcJURaOsSiBJn3F6X4C7-vw&oe=622EF2A5)
![](https://scontent.fpnh1-1.fna.fbcdn.net/v/t39.30808-6/275503829_1180927855778641_47500967737747873_n.jpg?stp=dst-jpg_p600x600&_nc_cat=104&ccb=1-5&_nc_sid=730e14&_nc_eui2=AeEFzOoiD2dahJbcnQ-_BTKLRIjY_2vJ4l5EiNj_a8niXsvvHD8CycC5Nb6qSrYqA2_gn_yTcGKK5e4v_mv8muzB&_nc_ohc=rzCWh0HGdN8AX_b-8p6&tn=74_37UwZB98ca20O&_nc_ht=scontent.fpnh1-1.fna&oh=00_AT-LKceySEBsfyzv37KPwLLb2miif-6LFf4Dui09Ce6iTw&oe=622F6D0F)
![](https://scontent.fpnh1-2.fna.fbcdn.net/v/t39.30808-6/275347029_1180927919111968_254700729922206859_n.jpg?stp=dst-jpg_s600x600&_nc_cat=103&ccb=1-5&_nc_sid=730e14&_nc_eui2=AeGKRH_eiOGEtElr3JHewUvknVrDoVc71pGdWsOhVzvWkWW9jkeYMdpBqZkhLvqY5xsNKR9oPBHpi9glsj0Im5kC&_nc_ohc=a3kk6xYn9ZEAX_3dsfW&_nc_ht=scontent.fpnh1-2.fna&oh=00_AT9V5yhpTYIwaJ2tfJDX3oqAfbAlQM_RzpIhe4ovJ1bBPA&oe=622F8550)
![](https://scontent.fpnh1-1.fna.fbcdn.net/v/t39.30808-6/275236122_1180927845778642_6375921280691948722_n.jpg?stp=dst-jpg_s600x600&_nc_cat=105&ccb=1-5&_nc_sid=730e14&_nc_eui2=AeHwSn1qcwYq7LJOV-XhoPTDeH38arKZzHx4ffxqspnMfAJ7Rq6W7ymfuvH2vnnbcUtoO5QQJKG_eNA5zHDJuo0y&_nc_ohc=AKusvXeeBG0AX9IAbmj&_nc_ht=scontent.fpnh1-1.fna&oh=00_AT8Q7ghgrt4aAENvJuWdrTfXTp315wJ4WjP0CEF91xZB_A&oe=62300497)
![](https://pichnews.com/wp-content/uploads/2022/03/275236122_1180927845778642_6375921280691948722_n.jpg)
![](https://pichnews.com/wp-content/uploads/2022/03/275306025_1180927945778632_3693285028635817620_n.jpg)
![](https://pichnews.com/wp-content/uploads/2022/03/275582044_1180927895778637_2997771780816643761_n.jpg)